Driver ng SUV na may Senate plate na dumaan sa EDSA Busway, sumuko na!
Ang driver na si Angelito Edpan, na nahuli habang ilegal na dumadaan sa EDSA busway noong Nobyembre 3, ay sumuko na sa Land Transportation Office (LTO). Humingi siya ng paumanhin sa publiko sa kanyang pagkakamali at ipinahayag na hindi niya sinadyang makasakit sa enforcer na tumigil sa kanya.
Ayon sa LTO, pekeng protocol plate ang gamit ng SUV at pag-aari ito ng Orient Pacific Corporation. Humingi rin ng tawad ang kumpanya at nag-umpisa ng imbestigasyon kung paano nila nakuha ang pekeng plate.
Pinagmulta si Edpan ng P5,000 dahil sa illegal use ng protocol plate at P2,000 pa dahil sa reckless driving. Nakatanggap din siya ng karagdagang multa sa hindi paglalagay ng tamang plaka at paglabag sa mga traffic signs.
Isang linggo na ang nakalipas mula nang mangyari ang insidente, at sa kabila ng pagtangkang tumakas ng driver, nahuli pa rin siya.