Hindi lang sa kanta nagbabangayan sina Canadian rapper Drake at Kendrick Lamar—umabot na ito sa korte sa US!
Sa legal na dokumento at mga ulat, inakusahan ni Drake ang Universal Music Group (UMG) ng pagmamanipula sa streaming numbers ni Lamar sa Spotify. Bukod dito, idiniin din niya ang pagkalat ng umano’y paninirang-puri laban sa kanya.
Nag-init lalo ang “beef” ng dalawa nitong taon nang maglabas sila ng mga diss tracks. Isa rito ang “Not Like Us” ni Lamar, na nag-akusa kay Drake ng relasyon sa menor de edad. Umabot ang kanta sa higit 900 milyon streams at nagkamit pa ng Grammy nods.
Pero ayon kay Drake, may daya umano sa likod ng tagumpay ng kanta. Inakusahan niya ang UMG ng paggamit ng bots para pataasin ang streaming counts at ng pagbibigay ng special deals sa Spotify para itulak ang kanta sa mga listener.
Dagdag pa, isinaad ni Drake na alam ng UMG ang “offending material” ng kanta pero pinili pa rin itong ilabas nang walang edits. Mukhang ang rap rivalry nila ay hindi lang sa tugtugan, kundi pati sa ligal na laban!