Pinukpok ng Kongreso ang DOJ: Garma at Leonardo, kasong murder na!
Nangako si Surigao del Norte Rep. Robert Ace Barbers na kakasuhan ang mga retiradong police colonel na sina Royina Garma at Edilberto Leonardo sa pagpatay kay Wesley Barayuga, dating board secretary ng PCSO, noong 2020.
Dahil sa mga nakagugulat na testimonya sa harap ng quad committee, tinawag na ng chairman ng committee ang DOJ na agad nang kumilos.
Mungkahi ni Barbers, maaring kunin ng DOJ ang mga pahayag ng dalawang testigo, sina Police Lt. Col. Santie Mendoza at Nelson Mariano, para masimulan ang imbestigasyon.
“Walang dahilan para maghintay sa huling ulat ng joint committee. Nakikipag-ugnayan kami sa DOJ, at dapat makapanayam ang mga testigo,” ani Barbers.