Pansamantalang isinara ang southbound lane ng Dimasalang Bridge sa Maynila para sa malawakang rehabilitation na tatagal hanggang Disyembre 15, ayon sa Department of Public Works and Highways (DPWH).
Ayon sa traffic advisory ng city government, maaaring dumaan ang mga motorista mula timog patungong hilaga sa northbound lane ng tulay habang ginagawa ang kalsada.
Matatandaang noong nakaraang buwan, ipinahinto muna ni Mayor Isko Moreno ang proyekto dahil kulang sa permit. Pinayagan lamang itong magpatuloy matapos magbayad ang contractor ng mahigit ₱504,000 na buwis.
Ang Dimasalang Bridge, na nagdurugtong sa Sampaloc at Sta. Cruz, ay sasailalim sa retrofitting ng piers at abutments, pagpapalit ng concrete girders sa steel, at kompletong redecking ng slab para mas tumibay at maging mas ligtas.