Nagbabala ang UN na hindi pa natatapos ang kaguluhan sa Syria kahit wala na si Bashar al-Assad. Ayon kay UN envoy Geir Pedersen, patuloy ang labanan sa pagitan ng Turkish-backed fighters at Kurdish forces, na kahit may pansamantalang ceasefire, nanganganib na lumala muli.
Umapela rin si Pedersen na itigil ng Israel ang settlement activities sa Syrian Golan Heights at hinimok ang pagtanggal ng mga sanctions upang matulungan ang pagbangon ng bansa.
Sinabi naman ng UN Security Council na kailangan ng “inclusive at Syrian-led” na proseso para matupad ang pangarap ng mga mamamayan sa isang demokratiko at mapayapang hinaharap.
Dagdag pa rito, nanawagan ang UN ng tulong para sa halos 13 milyong Syrians na dumaranas ng matinding gutom at higit sa isang milyong nawalan ng tirahan dahil sa patuloy na bakbakan.
“Ang sitwasyon ay malala at nangangailangan ng agarang aksyon,” ayon kay Pedersen.