Nasunog ang Dangdangla Elementary School sa Bangued, Abra noong Mayo 7, ilang araw bago ang halalan sa Mayo 12. Ayon sa Commission on Elections (Comelec), nasira ang 70% ng paaralan, kabilang ang pangunahing gusali na nakatakdang gawing voting center para sa 992 na rehistradong botante.
Bagamat nasira ang majority ng school buildings, nanatiling buo ang dalawang gusali at gagamitin pa rin para sa mga administrative tasks. Ayon kay Comelec Chair George Garcia, tuloy pa rin ang pagboto sa parehong lugar, “Hindi kami matatakot, kahit pa ito ay sinadyang maganap,” dagdag niya.
Wala pang tiyak na dahilan ng sunog, ngunit hindi tinatanggihan ang posibilidad na arson ito. Pinaplano ng Comelec na magtayo ng makeshift voting center sa lugar upang matuloy ang halalan.
Bago ang halalan, may mga plano pa ring magsagawa ng VCM testing at sealing sa mga hindi nasirang silid kapag bumalik na ang kuryente at ligtas na ang lugar. Huwag mag-alala, kahit may aberya, tuloy pa rin ang halalan sa Abra!