Magka-partner ang Comelec at MMDA para siguraduhing magiging maayos ang 2025 midterm elections. Sa ilalim ng kasunduan, maaring gamitin ng Comelec ang mga kagamitan at pasilidad ng MMDA—mula sa communications center hanggang sa mga mobile command center at body cameras.
Tutulungan din ng MMDA ang Comelec sa pagtanggal ng mga illegal na election materials at magpapadala ng mga tauhan para sa traffic management at logistical support. Magiging makabago rin ang teknikal na suporta dahil magtatayo ng computer station ang Comelec sa MMDA command center.
Ayon kay Comelec Chairman Garcia, malaking tulong ang partnership na ito para mapanatili ang transparency at kaayusan sa buong election process.