Dahil sa mga “poor strategies,” halos kalahati ng 58 flood control projects ng MMDA ay nahirapan at nagkaroon ng mga pagkaantala, ayon sa ulat ng Commission on Audit (COA).
Sa 2023 COA report, 22 proyekto na may budget na P510 milyon ang hindi natapos on time, nagresulta sa 310 araw na pagkaantala at nagdulot ng P32.9 million na commitment fees na babayaran ng gobyerno. Bukod pa rito, 29 proyekto na may halagang P371 milyon ang kinansela o hindi naisagawa dahil sa kakulangan sa bidding.
Nasa 12% lang ang naabot na target ng MMDA sa pagbawas ng baha, at marami sa mga flood control facilities ay outdated at hindi epektibo. Pinondohan ang mga proyekto mula sa mga pautang mula sa Asian Infrastructure Investment Bank at World Bank.
Ayon sa COA, kailangan ng MMDA ng mas maayos na pagpaplano para maiwasan ang mga pagkaantala at karagdagang gastos.