Pinagtanggol ni Parokya ni Edgar frontman Chito Miranda ang asawang si Neri Naig matapos madawit sa mga isyung Securities Regulation Code violation at estafa.
Sa Facebook post, nilinaw ni Chito na endorser lang si Neri at wala siyang kinuha ni isang pera sa iba. “Never siyang nanloko o nanlamang ng kapwa,” sabi niya, idinagdag pang naaabuso pa nga ito minsan sa sobrang kabutihan.
Ayon kay Miranda, bigla na lang inaresto si Neri nang walang notice, subpoena, o anumang pagkakataong ipagtanggol ang sarili. Umaasa siyang tulad ng mga naunang kaso, madidismiss din ito.
“Sobrang bait ni Neri. Ang kinulong ninyo, walang sala, habang nakalaya pa ang tunay na may kasalanan,” giit niya.