Inaresto ng mga awtoridad sa Thailand ang isang Chinese executive mula sa kumpanya na responsable sa pagtatayo ng isang skyscraper sa Bangkok, na bumagsak nang matinding lindol noong nakaraang buwan. Ang 30-storey tower ay gumuho nang mangyari ang 7.7-magnitude na lindol na tumama sa Myanmar, na nag-iwan ng 47 patay at 47 nawawala.
Ayon kay Justice Minister Tawee Sodsong, naglabas ang korte ng arrest warrants laban sa apat na tao, kabilang ang tatlong Thai nationals, mula sa China Railway No.10 dahil sa paglabag sa Foreign Business Act. Isa sa mga na-aresto ay si Zhang, isang Chinese representative at 49% shareholder ng kumpanya.
Ang China Railway No.10 ay kasosyo sa isang Italian-Thai firm para itayo ang tower, ngunit lumalabas na ang tatlong Thai nationals ay may mga shares na hawak para sa ibang banyaga, na lumalabag sa batas na nagsasaad na hindi pwedeng magkaroon ng higit sa 49% ownership ang mga dayuhan sa isang kumpanya sa Thailand.
Patuloy ang imbestigasyon ng Department of Special Investigation, kabilang na ang posibilidad ng bid rigging at paggamit ng peke na pirma ng mga engineer. Natuklasan din na may mga substandard steel rebars na ginamit sa konstruksyon ng tower.
Ang pagbagsak ng skyscraper ay nangyari sa gitna ng isang malupit na lindol noong March 28, na nag-iwan ng higit sa 3,700 patay sa Thailand at Myanmar, at ito lang ang malaking gusali sa Bangkok na bumagsak.