Pinahinto ng Chery Tiggo ang winning streak ng PLDT sa PVL All-Filipino Conference sa Smart Araneta Coliseum! Sa score na 25-12, 25-23, 20-25, 25-22, napigil ng Crossovers si Savi Davison kahit pa naka-27 points ito.
Nagpasiklab si Ces Robles na may 17 points, habang tumulong sina Ara Galang (13), Shaya Adorador (11), at Pongay Gaston (10). Sa depensa naman, si libero Jen Nierva ang reyna—17 digs at 16 excellent receptions!
Ayon kay Nierva, “Preparation ang susi—6 pages ang notes ko kung paano sila lalaruin!”
Resulta? Chery Tiggo, 3-1 na sa standings, habang PLDT, nakatikim ng unang talo matapos ang tatlong sunod na panalo.