Sa wakas, natagpuan na ng UAAP crown ang daan pabalik sa Diliman matapos ang dalawang taon ng heartbreak. Tinuldukan ng UP Fighting Maroons ang finals drought sa isang matikas na panalo kontra La Salle, 66-62, sa harap ng 25,248 fans sa Smart Araneta Coliseum.
Ang hero ng gabi? Si Francis Lopez! Redemption mode activated, matapos ang crucial miss sa Game 2. Sa huling minuto, kumana siya ng clutch three na nagbigay ng 64-60 lead, sapat para maiuwi ang kampeonato.
Solid din ang suporta ng Finals MVP JD Cagulangan, Game 1 hero Quentin Millora-Brown, at Gerry Abadiano, na nagtulong-tulong para tiyakin na walang makakabawi ang Archers.
Sa women’s division, bumalik din sa trono ang NU Lady Bulldogs matapos pataubin ang UST Tigresses, 78-73, sa Game 3 ng finals. Rookie sensation na si Cielo Pagdulagan ang nagdala, earning Finals MVP honors.
Diliman at NU, sabay na naman sa glorya. Tila UAAP royalty na uli ang bumida ngayong season!