Bumalik sa porma si Cheick Diallo matapos magpakawala ng 37 puntos para buhatin ang Converge FiberXers sa 102-91 panalo kontra NLEX Road Warriors sa PBA Commissioner’s Cup.
Nag-init si Diallo sa fourth quarter, tumipa ng 12 puntos para tapusin ang rally ng NLEX at ibalik ang 11-point lead ng Converge. Hindi rin nagpahuli ang locals—si Alec Stockton may 16 puntos, Jordan Heading may double-double na 14 puntos at 11 assists, habang si King Caralipio ay nagdagdag ng 10.
Dahil dito, bumawi ang FiberXers mula sa talo kontra NorthPort at umangat sa 3-2. “Masakit matalo kaya nag-focus kami sa pagbalik sa tamang sistema,” ani coach Franco Atienza.
Samantala, pinutol ng Phoenix Fuel Masters ang 5-0 winning streak ng NorthPort sa 115-109 tagumpay, sa likod ng steady performance ni RJ Jazul na may 14 puntos at 5 assists.