Nag-react si Miss Universe 2018 Catriona Gray sa mga netizens na kinikilig sa ideyang i-“ship” siya kay Pasig Mayor Vico Sotto.
Sa ulat ng ABS-CBN News, nilinaw ni Catriona na simpleng “follow-back” lang ang nangyari sa kanilang dalawa sa Instagram.
“Follow-an lang. Mutuals lang,” ani Catriona, sabay tawa.
“Wala naman masyadong ibig sabihin ‘yon.”
Nagulat daw siya nang i-link siya ng netizens kay Mayor Vico, matapos mapansin ng mga tao na nag-followan sila sa Instagram.
Kumalat agad online ang usapan, at marami ang nagsabing bagay daw sila dahil pareho silang matalino at presentable.
“They’re the epitome of class,” ayon sa isang netizen.
May iba namang hula na baka may proyekto si Catriona sa Pasig—lalo na’t meron siyang sariling condo roon na tinatawag niyang “Casa De Gray.”
Pero sa ngayon, pa-cute lang ang fans, dahil ayon kay Catriona: wala pa talagang ganap.