Muling itinayo ni Carlo Biado ang bandera ng Pilipinas sa mundo ng bilyar matapos niyang talunin ang World No. 1 na si Fedor Gorst ng Estados Unidos sa isang dikit na laban, 15-13, para muling masungkit ang World Pool crown sa Jeddah, Saudi Arabia.
Sa kanyang panalo, si Biado ang naging unang Pilipino na dalawang beses nagkampeon sa pinakamatinding 9-ball tournament sa mundo. Unang nakuha ni Biado ang titulo noong 2017 sa Doha.
Hindi na napigilan ni Biado ang emosyon matapos ang huling bola—isang tagumpay na aniya’y iniaalay sa kanyang idolong si Efren “Bata” Reyes at sa lahat ng Pilipinong patuloy na nangangarap.
Bukod sa karangalan, naiuwi rin ni Biado ang $250,000 o tinatayang P14.3 milyon na premyo.