Ang lokal na pamahalaan ng Caloocan ay naglunsad ng hakbang para magbigay ng mas ligtas at inklusibong espasyo para sa mga taong may HIV. Kamakailan, nagdaos ang City Health Department ng summit na dinaluhan ng mga opisyal at Sangguniang Kabataan mula sa iba’t ibang barangay.
Tinutukan ng summit ang pagpapalaganap ng tamang impormasyon tungkol sa HIV—pati na ang mga paraan ng pag-iwas, pagtanggal ng mga maling akala, at posibleng paggamot—upang matulungan ang mga kabataang lider sa kanilang komunidad.
Ayon kay Mayor Dale Gonzalo Malapitan, sisiguruhin niyang walang HIV-positive na makakaranas ng diskriminasyon sa kanilang lungsod at patuloy ang kanilang mga programa para sa mga apektado ng virus.