Si BTS member Suga ay pinagmulta ng 15 million Won o halos P632,000 dahil sa pagmamaneho ng electric scooter nang lasing.
Ayon sa ulat, isang hukom sa Seoul Western Court ang naglabas ng multa matapos mapatunayan ang insidente.
Noong Agosto, humingi ng paumanhin si Suga sa publiko. “Lubos akong humihingi ng tawad sa pagkakaroon ng ganitong balita,” ani Suga sa Soompi.
Sinabi niyang sumakay siya sa electric scooter pauwi matapos uminom sa hapunan, akala niya ay malapit lang ang pupuntahan. Hindi raw niya napansin na bawal ang pagmamaneho ng lasing kahit sa electric scooter. Nadulas pa siya habang ipaparada ang scooter.
Kumpleto na rin ni Suga ang breathalyzer test na nagresulta sa pagkakakansela ng kanyang lisensya at pagbabayad ng multa.
“Bagaman walang nasaktan o nasirang ari-arian, lubos kong inaako ang responsibilidad at humihingi ng taos-pusong paumanhin sa lahat. Nangangako akong magiging mas maingat na upang hindi na maulit ang ganitong insidente,” dagdag niya.