Matapos ang masakit na 49-point talo noong eliminations ng PBA Governors’ Cup, bumalik ang Gin Kings na may paghihiganti, tinambakan ang Beermen, 122-105, sa kanilang unang semifinals game sa PhilSports Arena.
Umulan ng four-pointers mula kay Brownlee, habang si Stephen Holt ay nagpakitang-gilas sa opensa. Si rookie RJ Abarrientos, parang beterano ang laro. Sa kabuuan, buong Ginebra team, pinahirapan ang SMB.
Nagpahinga nang mahaba ang Ginebra matapos ang 3-0 sweep nila sa Meralco, samantalang kapos sa enerhiya ang SMB na dumaan pa sa mabigat na five-game series kontra Converge.
Si Brownlee, naka-limang four-pointers, bagong record sa PBA, habang humakot ng 33 puntos. Hatid ni Holt ang kanyang pinaka-mabangis na laro para sa Ginebra na may 30 puntos at 8 rebounds.
Ayon kay coach Tim Cone, ito ang kanilang “makeup” game matapos ang nakakahiyang talo dati.