Breaking tradition si Vic Sotto sa kanyang MMFF comeback sa pelikulang “The Kingdom.” Dito, ginampanan niya ang kanyang unang full drama role bilang Lakan Makisig, hari ng isang alternatibong Pilipinas na hindi nasakop ng mga dayuhan at naging isang monarkiya.
Ang kwento ay umiikot sa pagpili ni Lakan Makisig ng tagapagmana sa kanyang tatlong anak habang humaharap sa mga isyu ng pamumuno. Kasama rin si Piolo Pascual bilang Sulo, isang outcast na magdadala ng malaking pagbabago sa kaharian.
“Challenging pero exciting,” ani Vic tungkol sa role. Matalinhaga ang mga linya at malalim na Tagalog ang ginamit, dagdag pa ang mga action scenes na pinaghandaan nila ni Piolo.
Mapapanood ang epic drama na ito sa Dec. 25 bilang bahagi ng 50th MMFF. Tila bagong mukha ni Bossing ang dapat abangan—pero huwag mag-alala, posibleng magbalik din si Enteng Kabisote sa hinaharap!