Pumasok na ang P-pop group na BINI sa mundo ng kagandahan sa pamamagitan ng kanilang unang makeup line na tinawag na BINI Cosmetics. Tampok dito ang limang produktong pinili mismo ng grupo para magpakita ng kanilang estilo at koneksyon sa mga fans.
Kasama sa koleksyon ang:
- Eye Candy (quad eyeshadow palette)
- Cherry Blush (multi-use tint para sa mata, pisngi, at labi)
- Lip Jelly (tinted lip oil)
- Cloud Lash (2-in-1 mascara)
- Pout Pop (lip plumping tint)
Sabi ng mga miyembro, hands-on talaga sila sa pagbuo ng produkto—mula sa pagpili ng shades hanggang sa packaging—para siguraduhing bagay ito sa iba’t ibang skin type at tunay na feel BINI ang bawat gamit.
“Pinag-isipan namin nang mabuti ang shades, textures, at packaging. Kahit pagkatapos ng rehearsals, nagte-testing pa rin kami ng produkto,” sabi ni Gwen, isa sa mga miyembro.
Ani BINI, “Hindi lang ito tungkol sa ganda—ito ay tungkol sa pagpapahayag ng sarili, kumpiyansa, at pagmamahal.”
Ipinakilala nila ang kanilang makeup line sa “Here With You” fan homecoming show sa MOA Arena noong Hunyo 29, kung saan may pop-up booth rin ng mga produkto. Abangan na ang pre-order details na iaanunsyo sa lalong madaling panahon!