Pinagtanggol ni Sen. Ronald “Bato” dela Rosa si VP Sara Duterte sa kanyang kontrobersyal na pag-outburst laban sa Marcoses, na nag-ugat mula sa mga imbestigasyon sa Office of the Vice President. Ayon kay Bato, tao lang si VP at natural lang na mag-react nang ganun dahil sa mga political persecution na dinanas.
Pero hindi pabor si Senate President Chiz Escudero, na nagsabing hindi akma ang ganitong ugali sa isang mataas na opisyal tulad ni VP Duterte. Sinabi niyang dapat magpakita ng magandang halimbawa sa mga tao, lalo na sa mga kabataan.
Hindi rin pinalampas ni Bato ang mga malisyosong pahayag ng mga kritiko, tulad ni columnist Ramon Tulfo, na nag-akusa ng love affair sa pagitan ni Lopez at VP Duterte bilang dahilan ng proteksyon sa chief of staff.
Ayon naman kay Sen. Bong Go, panahon na para magtulungan ang mga lider at huminto na sa mga “political drama” na nakaka-apekto sa gobyerno.