Mas maraming lugar ang isinailalim sa Signal No. 1 matapos lumakas si Julian (international name: Krathon) at maging tropical storm.
Ayon sa PAGASA, bandang 10:00 a.m., si Julian ay nasa 465 kilometro silangan ng Aparri, Cagayan. Mabagal itong kumikilos pa-timog-silangan, taglay ang lakas ng hangin na 65 kilometro kada oras malapit sa gitna nito, at may bugso ng hangin na umaabot ng 80 kph.
Nagbabala ang PAGASA ng malakas na pag-ulan dulot ng Bagyong Julian at posibilidad na itaas pa ang Signal hanggang TCWS No. 4.
Sa susunod na 24 hanggang 48 oras, makararanas ng malalakas na hangin ang mga rehiyon tulad ng Aurora, CALABARZON, Romblon, at Bicol. Pinayuhan din ang mga marinero na mag-ingat dahil sa delikadong kondisyon sa dagat, lalo na sa Batanes at Babuyan Islands kung saan posibleng umabot sa 5 metro ang taas ng alon.