Ayon sa PHIVOLCS, ang malalakas na ulan mula sa Tropical Storms Dante at Emong kasama na ang habagat ay maaaring magdulot ng lahar at mud deposits mula sa Mayon Volcano sa Albay. Inalerto ang mga residente sa mga lahar hazard zones na maghanda at mag-ingat sa anumang posibleng panganib.
Ayon sa ahensya, ang malakas na pag-ulan ay maaaring magdulot ng volcanic sediment flows, muddy streamflows, at runoffs sa mga ilog at drainage systems. Mayroon ding posibilidad na gumalaw ang mga pyroclastic density current deposits mula sa mga pagsabog ng bulkan noong 2018 at 2023.
Pinayuhan ang mga residente na manatiling alerto at handa sa anumang posibleng sakuna.