Walang dudang nasa all-time high ngayon ang OPM! Punong-puno ng bagong tunog ang hit charts at playlists, na parang bumabalik ang Manila Sound explosion noong ‘70s.
Sa dami ng patok na artists tulad nina Amiel Sol, Dionela, TJ Monterde, Cup of Joe, at Arthur Nery, tila hindi nauubos ang talento sa local music scene. At dahil dito, lalong ginaganahan ang mga producer at artists na maglabas ng bago at mas pinasayang musika.
Narito ang ilan sa mga bagong pangalan na dapat mong abangan:
Ang bagong all-girl group na puno ng energy! Dahil nagtagumpay ang BINI, bakit hindi sumunod ang iba? Ang siyam na miyembro ng Raya—Abel, Anna, Ash, Aviona, Jemima, Kash, Priscilla, Rona, at Sofia—ay handa nang magpasabog sa OPM scene. Nag-umpisa sila sa covers ng Bongga Ka Day ng Hotdog at Kilometro ni Sarah Geronimo, na ginawang fresh, fun, at danceable!
Nior, isang banda na pinagsama ang seniors at juniors para gumawa ng musika para sa lahat! Ang grupo nina Gabrielle Van Polanen Petel (vocals), Brian Nucup (vocals at rhythm guitar), Jessie Ocampo (drums), Paul Tanchiatco (lead guitar), at Christian Cervera Mallari (bass) ay may bagong single na Ethanol, isang alt-pop track na siguradong mapapakanta ka.
Sa tuluy-tuloy na pag-usbong ng mga bagong talento, siguradong hindi titigil ang OPM sa paghahatid ng bagong tunog at exciting na music!