Inirekomenda ng Commission on Elections (Comelec) ang pagsampa ng kaso laban kay Albay Governor Noel Rosal dahil sa paglabag sa Omnibus Election Code.
Natuklasan ng Comelec na may ilegal na paggastos ng pampublikong pondo para sa social welfare programs sa panahon ng 45-araw na campaign period noong 2022 elections. Lumabag si Rosal sa Section 261 ng OEC dahil naglabas siya ng pondo nang walang pahintulot mula sa Comelec.
Noong Marso, iniutos ni Comelec Chairman George Garcia ang masusing imbestigasyon matapos mapawalang-sala ng Supreme Court ang argumento ni Rosal na hindi siya sangkot sa pamamahagi ng cash assistance. Ayon sa Korte, ang pag-apruba ni Rosal sa programa ay itinuturing na “tacit participation.”
Binanggit din ng korte na ang “good faith” ay hindi dahilan kung may batas na nagsasaad na kailangan ang clearance mula sa Comelec bago gumastos.
Hindi itinanggi ni Rosal na siya ang responsable sa pag-release ng pondo, ngunit iginiit niyang hindi siya ang nag-distribute ng cash assistance.
Asahan ang pagdinig ng kaso habang tuloy ang imbestigasyon.