Isang 75-taong-gulang na lalaki ang pumanaw habang apat na iba ang nasaktan matapos magliyab ang mga bahay sa Barangay Putatan, Muntinlupa kahapon.
Ayon sa Bureau of Fire Protection (BFP), nagsimula ang apoy sa Marquez Compound, Putatan Itaas, Summitville bandang 10:20 a.m.
Umabot sa second alarm ang sunog bago ito naapula ng 11:09 a.m.
Dahil sa sunog, labing-limang pamilya ang nawalan ng tirahan.
Dalawampu’t tatlong fire trucks ang rumesponde sa insidente, at iniulat na ang halaga ng pinsala sa ari-arian ay P750,000.
Ayon sa mga arson investigators, wala pa silang tiyak na impormasyon kung ano ang sanhi ng sunog.