Natapos na ang paghahanap sa mga labi ng mga biktima ng nakalulungkot na air disaster sa Washington, kung saan 67 katao ang nasawi nang magbanggaan ang isang passenger plane at isang US Army helicopter malapit sa Potomac River.
Ayon sa mga awtoridad, lahat ng katawan ay narekober na, maliban sa isa, at halos lahat ng mga biktima ay na-identify na.
“Ang pagkumpleto ng paghahanap ng mga labi ay isang malaking hakbang para magbigay ng closure sa mga pamilya ng mga biktima,” pahayag mula sa mga ahensya ng gobyerno na nakibahagi sa recovery operation.
Ang aksidente, na itinuturing na pinakamalalang air crash sa US sa loob ng 20 taon, ay naganap noong nakaraang linggo. Sinabi ng mga awtoridad na “ang aming mga puso ay kasama ng mga pamilya ng mga biktima sa panahong ito ng matinding kalungkutan.”
Sa ngayon, patuloy ang mga crew sa paghuhukay sa mga labi ng Bombardier CRJ-700 plane mula sa malamig na tubig ng Potomac. Nakuha na ang ilang bahagi ng eroplano tulad ng kanang pakpak, center section ng fuselage, kaliwang pakpak, tail cone, at rudder.
Pagkatapos ma-recover ang mga labi ng eroplano, sisimulan na ang paghahanap sa mga bahagi ng US Army Black Hawk helicopter, ayon sa mga city agencies.
Lahat ng 60 pasahero ng eroplano at 4 crew members, pati na rin ang 3 sundalo sa helicopter, ay pumanaw sa insidente. Walang nakaligtas.
Ang eroplano, na galing Wichita, Kansas, patungong Ronald Reagan National Airport, ay bumangga sa helicopter sa isang routine training mission.
President Donald Trump agad na binanggit ang mga polisiya ng diversity hiring bilang posibleng dahilan ng aksidente, ngunit walang ebidensya na nagpapatunay na ito ang sanhi. Sinabi rin niyang ang helicopter ay maaaring lumipad ng masyadong mataas.
Inaasahang maglalabas ng preliminary report ang National Transportation Safety Board sa loob ng 30 araw, ngunit ang buong imbestigasyon ay maaaring umabot ng isang taon.