Arestado ng Bureau of Immigration (BI) ang dalawang Chinese nationals sa Barangay Tambo, Parañaque City, matapos matukoy na may mga kaso sila sa China at sa Pilipinas.
Kinilala ang mga suspek na sina Kong Xiangyu, 36, na wanted sa China dahil sa panloloko (fraud), at Yang Bing, 53, na may hold-departure order mula sa korte sa Parañaque.
Ayon kay BI-Fugitive Search Unit chief Rendel Ryan Sy, isinagawa ang operasyon bilang bahagi ng kampanya laban sa mga dayuhang may kriminal na rekord.
Sinabi naman ni Immigration Commissioner Joel Anthony Viado na ang pag-aresto ay patunay ng pagtugon ng ahensya sa direktiba ni Pangulong Marcos na palakasin ang batas at seguridad laban sa mga fugitives at “undesirable aliens.”