Halos madagdag sa listahan ng mga biktima ng human trafficking sa ibang bansa ang dalawang kababayang Pilipina.
Dahil sa pagpapanggap bilang mga turista, sinubukan nilang umalis ng bansa, ngunit naharang at na-intercept ng mga tauhan ng Bureau of Immigration (BI) sa Ninoy Aquino International Airport Terminal 3 noong Enero 27.
Ang plano ng mga kababaihan ay magtrabaho bilang mga illegal na hotel cleaner sa Malaysia.
Ayon kay BI Immigration Protection and Border Enforcement Section chief Mary Jane Hizon, inamin ng mga biktima na sila ay na-recruit ng isang babae na tinukoy nilang si “Madame.”
Ipinag-utos sa kanila ng recruiter na magtrabaho bilang turista habang inaasikaso ang kanilang mga work visa sa Malaysia, ayon sa BI.
Sinabi naman ni Immigration Commissioner Joel Anthony Viado na madalas gamitin ang ganitong scheme ng mga recruiter na nililinlang ang mga Pilipino upang tanggapin ang ganitong setup.
Sa scheme na ito, magtatrabaho ang mga tao gamit ang tourist visa ngunit hindi makakapag-secure ng tamang work visa.
Nagbigay ng babala si Viado sa mga nagbabalak magtrabaho sa ibang bansa na huwag magpapa-abuso sa ganitong uri ng pang-aakit.
Ang mga biktima ng trafficking ay ipinasa sa Inter-Agency Council Against Trafficking (IACAT) para sa karagdagang imbestigasyon at paghahain ng kaso laban sa kanilang recruiter.