Aabot sa 173 na katao ang naaresto sa isang linggong anti-crime drive sa Quezon City mula Enero 5 hanggang 11, ayon sa Quezon City Police District (QCPD).
Kabilang sa mga nahuli ay 52 drug suspects, 59 most wanted persons, at 58 illegal gamblers, sabi ni QCPD director Col. Melecio Buslig Jr. May apat din na nahuli dahil sa pagkakaroon ng loose firearms.
Bukod dito, nakumpiska ng mga pulis ang 1,082.9 gramo ng iligal na droga mula sa 33 anti-narcotics operations.
Ayon kay Buslig, ang layunin ng kanilang anti-crime drive ay mapanatili ang kaligtasan ng mga residente ng QC. Kabilang sa mga nahuli ang 18 top most wanted fugitives, tulad ni Jextter Simbul, na nahuli pagkatapos ng 13 taon ng pagtatago.
Nagpapatuloy din ang mga operasyon kontra sugal, kung saan 58 ang inaresto at P19,193 na halaga ng taya ang nakumpiska.