Peligro para sa 14,000 motorcycle taxi riders ng Move It na mawalan ng trabaho matapos magdesisyon ang LTFRB na bawasan ng kalahati ang fleet ng kumpanya. Mula sa mahigit 14,000 riders, magiging 6,836 na lang ang makakapagpatuloy sa kanilang trabaho. Ayon kay Rep. Rodge Gutierrez ng 1-Rider party-list, nag-apela siya sa LTFRB na muling suriin ang desisyon, dahil marami sa mga riders na ito ay umaasa sa kita mula sa kanilang trabaho bilang pangunahing kabuhayan.
Ang desisyon ng LTFRB ay muling nagbigay-diin sa pangangailangan ng pagpasa ng motorcycle taxi bill upang maprotektahan ang mga riders at matulungan silang magkaroon ng seguridad sa trabaho.