Mula sa simpleng pagsama sa mga kaibigan, nauwi sa pangarap na Olympic gold ang kwento ng 12-anyos na si Rapha Herrera.
Nagsimula si Rapha sa karate noong 10 taong gulang pa lang siya, at mula noon ay hindi na siya tumigil sa pag-eensayo. Tinawag siyang “Giant Slayer” matapos talunin ang mas matatangkad na kalaban sa mga torneo.
Sa kabila ng hirap at bugbog na dinaanan, ipinakita ni Rapha ang tibay ng loob—lalo na nang masungkit niya ang bronze medal sa Asian Youth Open Karate Championship sa China.
Ngayong taon, kwalipikado na siya bilang national champion sa Batang Pinoy, at patuloy ang kanyang laban sa mga lokal at international tournaments.
Kung papalarin, posibleng masilayan si Rapha sa Brisbane 2032 Olympics, kung saan 19-anyos na siya sa panahong iyon.
Ngayon, ang hiling ng pamilya ni Rapha ay mas maraming suporta mula sa gobyerno para sa mga karate athletes, dahil malaking gastos ang pagsali sa mga international competitions.