Sampung Chinese nationals ang naaresto sa Paracale, Camarines Norte dahil sa iligal na pagmimina! Ang mga suspek ay nahuli ng pinagsamang pwersa ng Presidential Anti-Organized Crime Commission (PAOCC) at Bureau of Immigration (BI) sa isang raid sa mineral processing plant sa Barangay Tugos.
Ayon kay PAOCC spokesman Winston John Casio, nakatulong ang lokal na pulisya at militar sa operasyon. Hindi nakapagbigay ng pasaporte o anumang dokumento ang mga nahuli.
Ipinahayag ni BI Commissioner Joel Anthony Viado na agad silang idedeport kung mapatunayan na ilegal ang kanilang pananatili sa bansa. Ang raid na ito ay bahagi ng mas pinatinding laban ng PAOCC sa illegal mining at iba pang krimen.
“Determinado ang PAOCC, BI, at AFP na pigilan ang krimen na nagmumula sa mga dayuhan,” sabi ni Casio.