Sa kanilang ika-10 wedding anniversary, naghahanda sina Marian Rivera at Dingdong Dantes ng isang intimate gathering kasama ang pamilya at malalapit na kaibigan.
Ayon kay Marian, si Dingdong ang nagplano ng selebrasyon at nais nitong mag-renew ng kanilang wedding vows bilang pasasalamat sa 10 taong biyayang natanggap nila bilang mag-asawa.
“Simple lang, pero espesyal,” ani Marian. Para sa kanya, ang sikreto sa kanilang matagumpay na relasyon ay ang paglalagay sa Diyos sa sentro ng kanilang buhay.
“Triangle kami—siya ang nasa gitna,” dagdag pa niya. Ngayon, prioridad ng mag-asawa na patatagin ang kanilang pagmamahalan at maging mabuting halimbawa sa kanilang mga anak na sina Zia at Sixto.